Carios Asal-usul Dusun Gejayan
Rikala jaman rumiyin wonten salah satunggaling papan
ingkang alit, warganipun urip ayem tentrem. Sedinten dinten kathahipun gadhah
padamelan garap saben, wonten ingkang srabutan, wonten ugi ingkang pados pangan
wonten alas. Kanthi sedaya wau warganipun malah saged jaya lan urip kacukupan. Malah
asil panenipun saget dipunkirim wonten desa
sanesipun. Sedayanipun urip kanthi rukun, amargi wonten papan punika
gadhah pemimpin ingkang sae tumindakipun lan piyambakipun dados panutan sedaya
warga ing papan punika, asmanipun Pak Bawa. Menawi wonten perkara menika
dipunrampungaken kanthi dalan musawarah. Sedayanipun remen kaliyan Pak Bawa.
Wonten sawijining dina Pak Bawa gadhah keperluan
tindak wonten papan sebrang lepen. Jarakipun lumayan tebih. Sak sampunipun
pamit kaliyan warga lajeng Pak Bawa tindak kanthi mlampah. Senadyan piyambakipun
pemimpin ananging dheweke boten seneng dikawal. Wonten setengah dalan
lampahipun mandheg. Amargi ujug-ujung wonten tiyang estri marani Pak Bawa sambi
nangis. “ Lhoh sampeyan kenging menapa, Ndhuk? “, Pak Bawa tanglet kanthi
gumun. “ kula minggat saking ngomah, Pak. Kula sampun boten betah wonten ngomah,
Bapak kula ajeng njodohke kula kaliyan tiyang ingkang boten kula tresnani,”
dhewekipun wangsulan sambi sesenggukan.
Amargi boten tega kaliyan tiyang estri menika Pak
Bawa lajeng ngrungokke ceritanipun, saking wiwit ngantos pungkasan dhewekipun
saget lunga saka omah. Pak Bawa menika malah kesupen menawi ajeng tindak wonten
sebrang lepen. Pak bawa malah seneng kaliyan tiyang estri menika kang asmaipun
Dewi Prita. Suwe ing suwe kekalihipun malah rabi lan mapan wonten setunggal
alas kang boten gadhah tangga sedherek. Pak bawa boten gagas malih kaliyan
warganipun ingkang ditinggal rikala rumiyin.
Lajeng kahanan wonten papan ingkang ditinggal Pak
Bawa, warganipun sami bingung madosi Pak Bawa. Uripipun sampun boten tentrem
malih. Sakmenika saben asring ngalami gagal panen. Sampun boten jaya malih. Pungkasanipun
warga menika madosi Pak Bawa ngantos ketemu supados saget mbalekke kejayaan
beras kalawau. Ananging boten gampang nemokke Pak Bawa menika. Suwe ing suwe
para warga menika sampun mutung anggenipn madosi Pak Bawa.
Warga menika nandur pari kanthi sak anane, merga
katekunan lan keuletan para warga menika asilipun panen inggih saget sae kaya
rumiyin lan saget nyekapi kebutuhan urip sedinten-dinten. Lan papan punika
saget jaya malih kaya jaman rumiyin. Para warga boten langsung nyerah menawi
dipuntinggal Pak Bawa. Sedayanipun tetep nglampahi urip kanthi greget. Pungkasanipun
papan punika saget mbangsulaken kejayaan sedaya warganipun. Lajeng papan punika
dipunparingi nama Dusun Kejayaan. Wonten perkembangan jaman nama Kejayaan sampun
gantos tembung dados Gejayaan. Malah kathah ingkang nyebut Gejayan.
Gejayaan menika mapan wonten kalurahan Girirejo,
kecamatan Imogiri. Ngantos sakmenika Gejayan menika wonten sekawan RT lan kalih
RW. Senadyan dusunipun alit ananging warga wonten mriki urip kanthi ayem
tentrem. Sakmenika carios asal-usul Dusun Gejayan.
