tugas reportase budaya
nama kelompok:
1, Rini Tyas Utami (15205241023)
2. Alis Ariyanti (15205241030)
PBD A 2015
TRADHISI
MUNGGAH MOLO
Tradhisi wonten ing
masyarakat Indonesia menika wonten kathah, wonten tradhisi sekaten, tradhisi
ngundhuh mantu, tradhisi munggah molo, lan sanes-sanesipun. Salah satunggaling
tradhisi wonten Jawi inggih menika tradhisi munggah molo. Munggah molo inggih
menika tradhisi masyarakat jawa kuno, nalika ndamel omah, sakderengipun
dipunpasangi gendheng.
Munggah molo yaiku upacara
tradhisional supados pikantuk kaslametan saha kasejahteraan. Munggah molo
menika tradhisi ingkang simbolik, proses saha pirantinipun gadhah teges saha
pangajab wonten simbol-simbol.Munggah molo wonten ingkang nyebut tradhisi
menika unggah-unggah molo, wonten ugi ingkang nyebut unjuk-unjuk molo. Beda
daerah inggih beda naminipun ananging gadhah teges ingkang sami.
Masyarakat ingkang
percaya kaliyan tradhisi menika taksih nglampahken dumugi sakmenika.
Tuladhanipun Ibu Sagiyem (57 taun) ingkang manggen wonten Dusun Gejayan,
Girirejo, Imogiri, Bantul. Dinten Jemuwah, 9 Desember 2016 munggah molo
dipunlampahaken. Ibu sagiyem menika saestunipun nglampahi tradhisi menika
kangge putranipun ingkang nembe ndamel griya enggal. Ancasipun supados slamet
sedayanaipun, supados griyanipun mboten wonte alangan setunggal punapa
nalikanipun ndamel, supados griyanipun berkah. Munggah molo dipunlampahkaen
dinten Jemuwah, amargi miturut Ibu Sagiyem dinten Jemuwah menika dinten ingkang
sae, saha ngepasi pas mboten jawah.
Prosesi munggah molo
ingkang sepisan inggih menika ndamel slametan ingkang awujud sega gudhangan
(among-among),saha nyepakakenuba rampe sanesipun kayata kembang, jajanan pasar,
dhuwit,gedhang setangkep ( raja kaliyan pulut) lan sanesipun.
Saklajengipun menawi
sampun cumawis lajeng dhaharan kalawau dipundongani dening mbah kaum wonten desa Gejayan punika,
naminipun Bapak Muji Isndari (60 taun). Proses i donga punika nglibataken
kaluwarga Ibu Sagiyem supados kathah ingkang ndherek ndonga.
Saksampunipun proses
ndonga rampung, lajeng dhaharan sega gudhangan kalawau dipunbagekaken dhateng
tangga tepalihipun Ibu Sagiyem. Lajeng molonipun sakderengipun dipasang,
dipunkumbah rumiyin, amargi miturut kepercayaan jawi molo menika dipunanggep barang
ingkang sakral, dipunlungguhi mawon boten angsal.Dipunkumbah supados saged
jejeg, pengkuh molonipun, mitutut ngendikanipun Ibu Sagiyem. Kembang ingkang
kalawau dipundongani lajeng dipundeleh wonten pinggir lawang wonten griya
ingkang enggal supados ingkang liwat slamet. Saksampunipun molo dipunkumbah
lajeng dipunpasang dening pak tukang wanci jam 11 siang.
Tegesipun simol-simbol
wonten uba rampe miturut Ibu Sagiyem : dhuwit 2000 wonten among-among menika
kangge ingkang ngemong (roh/leluhur nenek moyang) menawi upaminipun uba rampe taksih kirang supados
saged tumbas piyambak. Gedhang setangkep, sakjodho supados saged nyawiji
kerukunan wonten kaluwarganipun. Kembang among supados ingkang ngemong ugi
saged ayem tenrem.
Intinipun ngawontenaken
slametan punika supados saged slamet sedayanipun, ingkang nyambut damel supados
boten wonten alangan. Ancas sanesipun slametan punika kangge ndongakke
roh/leluhur supados dipunparingi pangapura, saha dhateng kaluwarga supados
saged urip ayem tentrem, boten wonten godha. Amanat dhateng kita sedaya
ngawontenaken tradhisi slametan menika supados saged mensyukuri nikmat Allah,
senajan tradhisi menika saking nenek moyang ananging ngemot nilai-nilai agama
ingkang boten nyimpang saking akidah.
